Umsóknir einstaklinga

Áður en þú sækir um

Þú greiðir sjálf/ur og sækir svo um endurgreiðslu hjá stéttarfélaginu þínu, ekki beint hjá Sveitamennt. Félagið staðfestir félagsaðild, reiknar upphæðina og greiðir styrkinn út í umboði sjóðsins.

Þú færð

100% af reikningi, þó aldrei meira en kr. 180.000 á ári (frá 1.1.2026)

Frestur

• Reikningur má ekki vera eldri en 12 mánaða
• Umsókn og fylgigögn skilað til viðkomandi stéttarfélags innan 12 mánaða frá dagsetningu reiknings

Þú átt rétt ef

• Þú hefur unnið fullt starf í a.m.k. 6 af síðustu 24 mánuðum og greitt félagsgjöld til aðildarfélags Sveitamenntar (hlutfallslega fyrir hlutastörf).
• Áunnin réttindi haldast við flutning milli aðildarfélaga Landsmenntar, Ríkismenntar, Sjómenntar, Sveitamenntar og Starfsafls

Hvað er styrkhæft nám?

• Formlegt nám sem telst styrkhæft: framhaldsskóli, framhaldsfræðsla (vottaðar námsleiðir), háskólanám.
• Nám á erlendum vefsíðum er ekki styrkhæft, að undanskildu háskólanámi hjá viðurkenndum háskólum.

Hvað er styrkhæft námskeið?

• Námskeið sem teljast styrkhæf: íslenska fyrir útlendinga, tómstundanámskeið, tungumálanámskeið.
• Netnámskeið/áskrift að fræðsluefni er styrkhæf hafi hún skilgreint upphaf og endi og leiðbeinanda, að hámarki eins árs aðgangur.

Hafðu tilbúið

• Frumrit reiknings á þínu nafni, með nám/námskeiðslýsingu og nafni og kennitölu fræðsluaðila
• Staðfesting á greiðslu úr heimabanka
• Fyrir nám/námskeið erlendis: frumrit reiknings á upprunalegu tungumáli og þýðing á ensku eða íslensku (frumrit á ensku nægir eitt og sér); fáist þýðing ekki fæst styrkur ekki greiddur
• Fyrir nám/námskeið erlendis: sundurliðuð kostnaðarskipting, þar sem ferðir, gisting og uppihald eru ekki hluti af styrktum kostnaði
• Fyrir nám/námskeið erlendis: staðfesting frá íslenskum banka um greiðslu í íslenskum krónum

Athugaðu

• Fræðsluaðilinn þarf að vera viðurkenndur; ráðuneytið heldur lista yfir viðurkennda fræðsluaðila.
• Við ákvörðun upphæðar er miðað við greidd félagsgjöld síðustu 12 mánaða; félagsgjald af lágmarkslaunum í 100% starfi eða meira gefur fulla styrkupphæð
• Uppsafnaður réttur: félagsmenn sem ekki hafa nýtt sér rétt sinn síðustu þrjú ár eiga rétt á styrk fyrir eitt samfellt nám eða námskeið, sem og þeir sem ekki hafa nýtt sér rétt sinn síðustu tvö ár. Rétturinn skerðist ekki hafi félagsmaður fengið styrk undir kr. 50.000 á tíma uppsöfnunar (sá styrkur kemur þó til frádráttar). Ferðakostnaður getur að hámarki orðið kr. 180.000 sem hluti af kostnaði í þessu tilviki. Greiðslur til sjóðsins þurfa að hafa borist að lágmarki í 30 af síðustu 36 mánuðum, eða 20 af 24 vegna tveggja ára réttar.
• Uppsafnaður tveggja og þriggja ára réttur fyrir árin 2023–2025 er áfram kr. 130.000 á ári miðað við fullt starf, en kr. 180.000 frá og með 1. janúar 2026
• Náms- og kynnisferðir: styrkir til náms- og kynnisferða eru eingöngu veittir til sveitarfélaga og stofnana þeirra, ekki til einstaklinga sérstaklega. Ekki er hægt að fá greiddan styrk fyrir námskeiðshluta slíkra ferða sér.
• Íslenskunám og annað tungumálanám er styrkt sérstaklega: kr. 180.000 á almanaksári frá 1. ágúst 2026 (ekki samhliða uppsöfnuðum rétti)
• Kostnaðarþátttaka vegna raunfærnimats er einnig í boði fyrir félagsmenn sem ekki tilheyra markhópi Fræðslumiðstöðvar atvinnulífsins

Skilyrðin hér að ofan eru hluti af starfsreglum sjóðsins, sjá starfsreglurnar í heild.

Áður en þú sækir um

Þú greiðir sjálf/ur og sækir svo um endurgreiðslu hjá stéttarfélaginu þínu, ekki beint hjá Sveitamennt. Félagið staðfestir félagsaðild, reiknar upphæðina og greiðir styrkinn út í umboði sjóðsins.

Þú færð

Flug 100% af fargjaldi, þó aldrei meira en kr. 180.000 · gisting allt að kr. 6.000 á nótt

Þú átt rétt ef

• Á við þegar styrkhæft nám eða námskeið er sótt um langan veg innanlands
• Sótt er um á sérstöku eyðublaði og styrkur afgreiddur af stéttarfélaginu í umboði sjóðsins
• Miðað er við að valin sé ódýrasta ferðaleiðin hverju sinni, hvort sem er akstur eða flug

Hafðu tilbúið

• Flugmiði
• Frumrit reiknings og bankakvittun fyrir staðfestum kostnaði
• Akstursdagbók (þegar sótt er um vegna aksturs)
• Staðfesting frá skóla/fræðsluaðila um þátttöku í námi/námskeiði

Athugaðu

• Akstur styrktur um 50% af almennu kílómetragjaldi (ekki innan 12 km frá námsstað)
• Ferða- og dvalarstyrkir eru afgreiddir sér en dragast frá hámarki einstaklingsstyrkja

Skilyrðin hér að ofan eru hluti af starfsreglum sjóðsins, sjá starfsreglurnar í heild.